Үнсгэлжин

Уран ээжийн удам юмаа
Үлгэр амилуулсан сайхан охидоо
Учрал ерөөлийн домог гэлтэй
Үнсгэлжин саран гоо
     Үнсгэлжин2  миний сэтгэлийг баясганаа
     Үнсгэлжин2 миний цэнгэлийг бадраанаа
Дарь эхийн бүрэлбаа гэмээр
Даанчиг гоолиг охид байнаа
Өмсгөл чимэгээ тааруулж гунхалзаад
Үгээр гүйцээмгүй бишрэл байнаа
     Үнсгэлжин2  миний сэтгэлийг баясганаа
     Үнсгэлжин2 миний цэнгэлийг бадраанаа
Сондор гоёлоо тааруулж гуугалзаад
Хээнцэр дэгжин охид байнаа
Сонин таавар цээжинд мөндөрлөөд
Хачин чамин одод байнаа
     Үнсгэлжин2  миний сэтгэлийг баясганаа
     Үнсгэлжин2 миний цэнгэлийг бадраанаа

Богино мөртүүд

Алиман сар шиг хацрын чинь хонхор
Аз, эзийн хооронд гэнэ гэнэхэн савлуурдана
Амьдрал үзээгүй болоод ч тэр юм уу
Ааль чинь сэтгэлээ үе үехэн гивлүүрдэнэ...

                          * * * *
Зовхин доороо баяслын галтай
Зовлон гунигийг анагаах шидтэй
Инээсэн харцандаа хайрын сорьцтой
Эрчүүд бидэндээ халамжийн сантай бүсгүйчүүд минь дээ...
                         
                         * * * *
Чамайгаа би удаан ширтэе
Чанга бүр чанга тэврэе
Уруул дээр чинь аяархан үньсе
Ухаанаа алдатлаа чамдаа дурлая
                      
                         * * * *
Жаргал гэдэг зовлонгийн нотолгоо
Худал гэдэг үнэний гаргалгаа
Жамт орчлонд төрөх нь үнэн
Хожим тэгээд амирлах нь үнэн...

                         * * * *
Сэтгэл тань агуу
Итгэл тань дагуу
Зүрх тань эмзэг
Зүүд тань тэмдэг...

                          * * * *
Энэ ертөнц зурхайн шинжтэй
Эргэх дэлхий одны дүрстэй
Элгэн садан амьдын учралтай
Этгээд бие минь хайрын урсгалтай ...
                            
                          * * * *
Сэтгэлдээ шивсэн чиний төрхийг
Санахгүй байж чадахгүй юм аа
Сэрүүн зүүдэнд учирсан болзоог
Саадтай байсан ч мартахгүй юм аа...

бүсгүй хүн

Бүлээн зүрхний мөнхийн шарх бүсгүй
Бодол санааны мөрөөдлийн гүнж бүсгүй
Хаврын анхны эмзэг яргуй бүсгүй
Хагдарч үл унах хайрын цэцэг бүсгүй
  Бүсгүй хүний гоо үзэсгэлэн нь сэтгэлдээ
  Буурал хорвоогийн агуу хайр нь зүрхэндээ
  Аз жаргалыг амсахын тавлинтай
  Амраг ханьдаа  үүрдийн халамжтай 
Өөрийгөө хайхралгүй бусдыг энэрэх хувьтай
Өршөөл үзүүлэх өрөвчхөн зантай
Үр хүүхэддээ мөнхийн асралт ижий
Үлэмжийн чанар галын бурхан бүсгүй...
                                                                                                                Д.Сүхболд
  
   

Зүрх чамтай ...

Амраг минь болооч гэж чамаас би асууя
Атгахан зүрхэндээ чамайг би тээе
Замлингийн наран хайраа илгээлээ
Зүгээ алдаж чамруу л тэмүүллээ
    Зүрх чамтай учрахыг хүснэ
    Зүгээр л чи амраг минь болооч
Хайр минь байгаач гэж чамаас би гуйя
Хонгорхон зүрхэндээ чамайг би багтаая
Мөрөөдөл бэлэглэж хайраа нээгээч
Минийх гэж хэлэхийг минь зөвшөөрөөч
   Зүрх чамтай амраглахыг хүснэ
   Зүгээр л чи хайр минь байгаач
Хань минь болооч гэж чамд би сөгдье
Халуухан зүрхэндээ чамайг би тэврэе
Мөнхөд хамтдаа хайраа тунхаглая
Мөнгөн саранд дурлалаа амлая ...
    Зүрх чамтай амьдрахыг хүснэ
    Зүгээр л чи хань минь болооч... 

Үл тооно

Сормууст хархан нүд чинь үл тооно
Сансар огторгуйн орон зайд  дураар сэлнэ 
Зүүдээ манан байж чамайг мөрөөднө
Зүрх сэтгэлээр минь чиний сүнс аялана
   Давхраат алаг нүд чинь үл тооно
   Дассан сэтгэл гуниг тээнэ
   Бие оюун минь чамгүйгээр ганцаардаж
   Бараан гуниг намайг сүүдэр мэт дагана
Баясгалант хөөрхөн нүд чинь үл тооно
Бэтгэртлээ би чамайг санана
Борхон зүрх минь хайрыг л нэхнэ
Булбарай үзэсгэлэнд чинь сэтгэл сөхрөнө  өө  гэвч чи үл тооно...

                                          Д.Сүхболд

Эмэгтэй таньд...

Эмэгтэй 
Та хорвоогийн түмэн цэцэгсийн хамгийн ялдамхан нь
Тасалж үл зүрхлэх  үзэсгэлэн гоо нь
Хайрын далайн тэнгэрлэг усч нь
Хүн төрөлхтөнд анхдагч тусч нь 
Эмэгтэй та!
      Ирээдүйн удмаа бодож бие сэтгэлээ энхрийлээрэй 
      Итгэл сэтгэлийн нандин хайраа бүү сэвтээгээрэй
      Их хатан эх Өэлүнээ санаарай
      Ичимхий даруу зангаа эрт бүү гээгээрэй...
Эмэгтэй та!
Атгаг аашинд хүлэгдэж бүү бухимдаарай
Алтан наран жаргахаас урьдаж гэртээ хариарай
Амрагаа мөрөөдсөн эрийн хийморийг бүү гундаагаарай
Азтай тэр нэгэн залууд л бүхнээ даатгаарай
Эмэгтэй 
         Таньд л гэж хэлэхэд наран мандтал мишээгээрэй
         Тун муу санаатнаас ангид холуур яваарай
         Туурга тусгаар Монголоосоо харин бүү холдоорой
         Танан цагаахан сэтгэлт ижийгээ бүү зовоогоорой ...
Эмэгтэй таньд амжилт хүсье...

мандухай

Мандухай
Хөх тэнгэрийн орон Монгол
Хөрстийн зайнд улбаа түүхтэй
Хөдсөн дээлийн доор Мандухай
Хүннүгийн удмыг аварсан гавъяатай
      Задарсан бутарсан угсаа удмаа
      Засаж төвхнүүлсэн бүссгүй заяа
      Эрээс гарамгүй ухаан хүчээ
      Эрдэнэт биенээсээ шавхсан цэцэн
Төрөө мандуулсан Мандухай
Төөрөг тавлингаар бидэнд заяасан
Цэцэн алдраа ардаасаа авч
Цэврүү шиг насаа эх орондоо зориулсан
      Их  Мандухай цэцэн
      Эжийн минь удам
      Эдүүгээгийн бидэн
      Эх таны ач гуч
Залуу халуун насыг тань
Залгаж бид авсан
Заяаны Монгол орноо
Замбуулинд мандуулах тангарагтай...

Д.Сүхболд